AB 9 PARISE

PARISERA

2016ko abenduaren 16an, Luhusoko ekintzak guztiz blokatua pentsatzen ginuen egoera bat mugiaraztea lortu zuen

Ekintza horrek eduki zuen eraginak, babesak eta zilegitasunak, Frantses estatuari armagabetzean ezinbestez inplikatu behar zuela ohartarazi zion. 2017ko apirilaren 8an, euskal jendarte batu eta mobilizatuak ETA-ren armategiaren desegiteari heldu zion.

Parisen, abenduaren 9an, Luhusokoa gertatu eta urte betera, bake bidean urrats berri bat eman nahi genuke eta presoei aplikatzen zaizkien salbuespenezko neurrien amaiera lortu, erran nahi baitu:

  • DPS estatusaren kentzea
  • Hurbilketa eta elkarretaratzea
  • Gaixorik dauden presoen askatzea
  • Baldintzapeko askatasuna, zuzenbide arruntaren baitan eskubide hori lortu dezaketen presoentzat

Tendentzia guzietako hautetsiek sustengatzen dute mobilizazioa (eskuina, zentroa, ezkerra, abertzaleak, ekologistak) : “Zuzenbide arrunta aplikatzea baizik ez dugu eskatzen, ez gehiago eta ez gutxiago.Urgentziazko neurri horiek presoen gaiaren behin betiko konponbidearen baitan kokatzen dira.”.

Presoek baita beren senideek ere pairatzen duten salbuespeneko araubide horrek amaiera lehen bai lehen ezagutu dezake eta behar du, apirilaren 8an ireki den esperantzazko orrialdea ez daitela berriz hets.

Hortarako, abenduaren 9an milaka izanen gira Parisen bakea eta euskal presoentzat!

EGITARAUA

ABENDUAREN 7-TIK ABENDUAREN 9-RA / PRESONDEGIEN MARTXA

Azaroaren 16tik abenduaren 6era Bagoaz, Etxerat eta Sare elkarteek Frantziako presondegien itzulia antolatuko dute.

Abenduaren 7an ostegunez, ehundaka Bakegileek itzuliaren segida hartuko dute eta Parise eskualdean diren presondegien arteko martxa eginen dute (Réaux, Fleury-Mérogis, Fresnes). Abenduaren 9an, larunbatez, helduko dira 12:00tako Parisera, Montparnasse geltokira.

Abenduaren 9an goizez, “Bakea Euskal Herrian: orain presoak!” lelopean antolatutako elkarretaratze haundiari juntatuko dira

ABENDUAREN 9AN LARUNBATEZ / PARISEN MOBILIZAZIOA

11:00 eta 12:00ak artean : Euskal Herritik etorritako autobusen heltzea Montparnasse Geltokira

11:30: Elkarretaratzea Montparnasse geltokiaren aintzinean, animazioen hastapena, Euskal Herritik etorritako trenei harrera.

12:00 Presondegien martxari harrera.

12:30 Manifestaldiaren abiatzea.

Euskal Herriko talde ainitzek alaituko dute : joaldunak, txarangak, trikitixak, gaiteroak, txistulariak, dantzariak etab…

Kamioi zono baten gainean artista andana batek manifestaldia animatuko du: Bad Sound System + Fermin Muguruza, Zebda-ko Mouss eta Hakim, Ogres de Barbak-eko Fredo, Oreka TX, Roce etab…

14:00: Manifestaldiaren heltzea. Hitz hartzea

14:30: Kantuak

15:00: elkarretaratzearen bukaera, autobus eta trenetara itzulera.

Abenduaren 9ko gaualdia Parisen

Abenduaren 9an egunak Pariseko Eskual Etxean segituko du

Parisen izanen edota egonen direnentzat abenduaren 9ko manifestaldi masiboa eta gero, eguna ez da bukatua!
Manifestaldia eta gero, Pariseko Eskual Etxeak, bere ateak idekiko ditu, bi afari txanda proposatuz: bata 16:30tan, bestea 18:30tan.

Afarirako izena emaiteko hemen klikatu

Bestalde gaualdiak segituko du “Garilak 26” taldeak alaiturik, besteak beste.
Denak bakegileak gara!